> Koneksyon > Teknoloji kab fè Ayiti pran wout devlopman dirab

Kronik Teknolojik Koneksyon ak Gotson Pierre epi Harold Isaac an patenarya ak Gwoup Medialternatif

Teknoloji kab fè Ayiti pran wout devlopman dirab

Twitter antre nan labous

Publié le lundi 21 octobre 2013

Si nou byen sèvi ak teknoloji enfòmasyon ak kominikasyon yo, n ap vanse nan lakilti epi n ap rive nan devlopman dirab.

Se lide sa a jèn enjenyè enfòmatik, pwofesè nan inivèsite, Laurent Jean Charles ap pote. Li fèk kreye yon blòg sou platfòm mondyal frankofòn Mondoblog, apre yon konkou entènasyonal RFI Òganizasyon entènasyonal frankofoni ak Enstiti Franse òganize.

Tèm blòg la se « Smart Power : entre TIC & Culture, la voie du developpement durable ». M ap pwofite pale ak li nan telefòn sou kesyon sa a. Laurent Jean Charles, pou ou, TIC yo ouvè wout pou devlopman dirab an Ayiti ?

Mèsi Laurent Jean Charles. Nou pran randevou ak ou sou blog ou a, ki pral koumanse alimante nan jou k ap vini yo. Se : smartpower.mondoblog.org.
Nou kab tcheke pwofil FB Jean Charles, se Boyo HT oubyen kont twitter li, se
@HTboyo

………

Twitter antre nan labous, Harold ?

HAROLD : Gotson, sete yon kesyon de tan men Twitter finalman deside foure kò li nan wonn labous lan, pou li vini, sa yo konsidere kòm yon konpayi piblik Ozetazini, kote nenpòt ki moun ki gen lajan kapab al envesti nan konpayi-an…

GOTSON : Twitter ap jere plizyè milyon dola, men se yon konpayi ki kanmenm ap fè defisi…

HAROLD : Efektivman Gotson, menm si Twitter genyen plis pase 213 milyon itilizatè, ke li rantre plis pase 420 milyon dola ane sa-a sèlman… Konpayi San Fransisko-a toujou nan yon sitiyasyon defisi, li pèdi plis pase 134 milyon dola ane sa-a sèlman.

Malgre tout sa ki fèt, Twitter pako jwenn konbinezon pou li fè lajan ki pa ret ak lajan. E se ak tout fòs kote sa yo ke konpayi-an vle rantre nan labous pou li al chache plis pase 1 milya dola envestiman…

GOTSON : Kisa rantre Twitter nan mache labous pral vle di pou itlizatè tankou ou menm avèk m ?

HAROLD : Eben Gotson, premye bagay sa kapab mennen se plis reklam… Anpil reklam. Lòt bagay la, se anpil presyon ki pral fèt sou enfòmasyon prive moun ki sou Twitter (Paske enfòmasyon sa-a vo lajan). Twazyèmman, pral vinn gen devlòpman yon dividal sèvis peye tankou posibilite pou achte mesaj dirèk pou voye bay moun ki pap swiv ou (Yap louvri vann SPAM lan)…

Men tout defi sa yo, vinn mennem dè kesyon filozofik konsènan kisa Twitter ye tout bon vre : Eske se yon machandiz osnon yon sèvis piblik ?

E nan sans sa, gen kèk tan de sa deja, men kèk analis te pwopoze ke se yon leta ki ta dwe posede Twitter (Osnon Nasyon Ini) piske pa genyen anpil opsyon pou fè konpayi sa-a fè lajan san ou pa manyen nannan prensip konpayi-a, tankou yon sèvis transpò piblik ki nesesè pou tout moun men ki difisil pou li fè gany.

……….

GOTSON : Nan kwonik pase a, ou te fè yon pwomès Harold…

HAROLD : Jan mwen te pwomèt li an Gotson, genyen nouvèl pou Apple. Envitasyon yo voye jounen madi-an, dat la se 22 oktòb… Apple fè konnen ofisyèlman ke li gen anpil kichòy li rete pou li pote…

GOTSON : Mèsi Harold

Koneksyon - 161013 - Teknoloji kab fè Ayiti pran wout devlopman dirab by Radio Kiskeya on Mixcloud