> Koneksyon > Montpellier, yon kafou enpòtan pou refleksyon sou enfòmasyon

Kronik Teknolojik Koneksyon ak Gotson Pierre epi Harold Isaac an patenarya ak Gwoup Medialternatif

Montpellier, yon kafou enpòtan pou refleksyon sou enfòmasyon

Koneksyon pral prezante yon seri espesyal sou evèlman-an

Publié le mardi 25 juin 2013

Jan n te pwomèt ou semèn pase, jodi a nou vini ak tout enfòmasyon sou aktivite ki fèt nan Montpellier an Frans kote 150 aktè nan kesyon enfòmasyon an liy te reyini pou diskite sou domèn y ap travay ladan l la.

Se te 3èm rankont anyèl 4M, ki vle di Media Mutation Montpellier Mediteranée. Evenman entènasyonal sa a se òganizasyon ki rele Canal France International (CFI) ki òganize l soti 12 rive 14 jen. Direktè jeneral CFI, Etienne Fiatte, ap di nou motif inisyativ sa a.

Nan rankont Montpellier a, yo brase lide sou yon bann kesyon tankou kalite enfòmasyon sou Entènèt, wòl jounalis ak blogè, sekirite pou sous enfòmasyon sou Entènèt, chanjman inovasyon yo pote, elatriye.

Mwen mande jounalis ak konsiltan Philippe Couve, ki te anime rankont sa yo, pou fè yon bilan.

Byento nou pral fè yon seri espesyal koneksyon sou rankont Montpellier yo, ki se yon kafou enpòtan pou refleksyon sou aktivite enfòmasyon sou Entènèt. Siveye anons yo pou konnen kilè seri koneksyon espesyal sa a ap pase sou radyo a.

Koneksyon - 190613 - 4M by Radio Kiskeya on Mixcloud