> Koneksyon > Yon kritik sou diskou k ap sikile nan rezo sosyal yo

Kronik Teknolojik Koneksyon ak Gotson Pierre epi Harold Isaac an patenarya ak Gwoup Medialternatif

Yon kritik sou diskou k ap sikile nan rezo sosyal yo

Dènye Twit Chavez

Publié le mercredi 13 mars 2013

Se yon gwo itilizatè rezo sosyal yo ak Entènèt anjeneral ki kite nou 5 mas la. N ap pale sou prezidan venezyelyen an, Hugo Chavez, yon kansè pote ale. N ap wè talè ak Harold, kont Twitter misye a rete byen vivan.

Alòs, sou rezo sosyal yo, gen yon kritik ki soti semen sa a, atravè yon atik ekriven Leslie Péan, ki rele “Dire la vérité n’est pas la condescendence”. Nan yon ti pati nan atik sa a ki sikile nan Entènèt la, Péan ki abitye pibliye sou rezo mondyal la, kritike fason echanj ap fèt patikilyèman nan rezo sosyal yo ak fason moun entèvni anba atik ki ekri yo.

………….

An al fè yon kout je sou kont Twitter defen prezidan Chavez, Harold.

Gotson, Chavez pran chemen peyi san chapo, men kont Twitter li-an riske tounen yon espas pelerinaj.

Konsa si yon moun tape sou Twitter @chavezcandanga, wap genyen possibilite pou li tout kòmantè (bon ak move) ki fèt sou defen Prezidan-an, anplis twit Hugo Chavez te ekri li menm yo.

Avèk kalite shòk nouvel sa bay, nou sispèk se pa 4 milyon "followers" li yo sèlman ki ap reyaji.

Nan dènye twit li-an ki remonte o 18 fevriye. Chavez di, e nap site : "Mwen kontinye ap kenbe fèm ak Kris la. Mwen fè doktè m’ yo ak enfimyè mwen yo konfyans. Nap kontinye ale vè la viktwa ! Nap viv e nap ranpòte la viktwa !"

Sete dènye Twit prezidan. Gouvèlman Venezuela pa di kisa yo pral fè ak kont lan. Nou konprann ke se pa yon priyorite nan sitiyasyon yo ye la-a. Antouka, yo "retwit" (retransmèt) twit sa plis pase 34 mil fwa epi 8,400 moun mete li nan favori yo.

Li pa twò ta pou swiv kont Prezidan Chavez la. Non li se @chavezcandanga sou Twitter.

Pou Koneksyon, sete Harold

Mèsi Harold.

Ann ajoute, Chavez se te 2èm prezidan ki gen plis abone sou Twitter apre prezidan ameriken an, Barak Obama. Gen 4 lòt prezidan latino ameriken ki pami 10 chèf dEta yo suiv pi plis sou Twitter, se prezidan Brezil, Ajantin, Kolonbi ak Meksik.

Koneksyon - 060313 - Yon kritik sou diskou k ap sikile nan rezo sosyal yo by Radio Kiskeya on Mixcloud