> Koneksyon > Yon sit rezo sosyal ayisyen lanse

Kronik Teknolojik Koneksyon ak Gotson Pierre epi Harold Isaac an patenarya ak Gwoup Medialternatif

Yon sit rezo sosyal ayisyen lanse

iPhone 5 lan pran lari pou li

Publié le mardi 18 septembre 2012

Se la rantre pou Koneksyon, men pa pou Retbranche.com. Se yon sit rezo
sosyal ayisyen ki anse depi jen pase epi ki rive reyini kounye a
10.000 ayisyen atravè lemond, dapre fondatè li Wesner Théléus.

Anfèt misye te pran inisyativ sa a ak 2 lòt jèn parèy li, yo tout
espesyalize nan enfòmatik ak maketin.

Wesner Théléus, yonn nan fondatè sit sosyal ayisyen www.retbranche.com, sou telefòn ak nou.

…..

Nouvo sezon, nouvo sipriz nan teknoloji pou nou petèt. Harold, mwen
kontan kwaze w ankò.

Gotson, sa fè mwen plezi rejwenn ou sou plato Koneksyon-an pou nouvo sezon sa-a :

Jan tradisyon an vle li alèkile, tout moun rete pandye anba bouch Apple pou konnen ki sa li pote nan jakout li pou jounen jodi 12 septanm 2012 lan.

Rimè yo te di iPhone 5… E rimé yo te gen rezon.

iPhone 5 lan se repons Apple pote bay Google men espesyalman Samsung ak liy Galaxy li yan, ke konpayi Steve Jobs la fenk kale dayè nan tribinal mwa pase-an nan jan konpayi koreyen-an ta va kopye fonksyonalite ak dizay iPhone lan.

iPhone 5 lan ansanm ak iPad mini an ki gen pou li sòti mwa pwochen an dapre tout rimè yo, se tantiv Apple ap fè pou mete la men sou mache aparèy ki pi gwo pase iPhone lan men ki pi piti pase iPad lan.

Apple kapab pèmèt tèt li sa, li chita sou plis pase 100 milya dola likid e depi mwa pase-an, Apple pran tit konpayi ki vo plis nan lemond de tou lè tan.

Eske iPhone 5 lan pral fè Apple ret kwoke anlè an ? Pran ti chèz ba nou.

Pou Koneksyon, sete Harold

Enkwayab mè vrè. Gwo vedèt nou konnen Johnny Hallyday fèk ap fè premye
pa sou Twitter. Se an septanm nan misye koumanse. Nan batay ak klavye,
li koumanse fè kèk fot. « Mon femme » olye « ma femme ». Li prezante
eskiz nan yon lòt tweet. Idantifikasyon Johnny Hallyday se @JohnnySjh.

Kanta pou mwenmenm, yonn nan dènye pòs mwen fè sou paj fb mwen lè m ap
gade kriz politik k ap devlope nan peyi a, se : “zanmi bo w konsey
achte chwal plenn nan sezon lapli, men li pa ede w ba l manje nan
sezon sèch. A bon entendeur salut !”