> Kreyòl > Yon epidemi dwòl voye 9 moun nan latonm nan Akayè

Ayiti-Sante

Yon epidemi dwòl voye 9 moun nan latonm nan Akayè

Daprè yon responsab pwoteksyon sivil zòn nan, pou pi piti 17 lòt moun al kouche lopital akòz maladi dyare malouk, vomisman ak kou anfle ki ap frape nan lokalite Bwanèf ak Williamson san se pa kolera

Publié le mardi 22 mai 2012

Yon epidemi maladi dwòl ki bay kòm sentom dyare dlo lolo, vomisman san rete ak kou anfle deja lakòz pou pipiti 9 moun mouri, 17 lòt al kouche sou kabann lospital depi 2 semèn konsa nan 2 lokalite nan Akayè (a yon distans 50 km Pòtoprens), dapre temwayaj Wilner René, responsab kominikasyon nan komite pwoteksyon sivil zòn nan.

Mesye René, ki rele Radio Kiskeya apremidi madi a pou l lanse yon SOS bay enstitisyon ki ap travay nan domèn sante tankou Ministè sante piblik ak Lakwawouj Ayisyèn, presize lokalite ki frape jiskaprezan yo se Bwanèf ak Williamson, kole kole ak wout nasyonal #1 an.

Responsab la, ki fè konnen selon dyagnostik medsen yo maladi sa a se pa kolera, pressize nan zòn kote viktim yo pa sispann ogmante yo popilasyon an pa jwenn dlo potab pou l bwè ni pa gen latrin pou moun yo fè bezwen yo. spp/Radio Kiskeya