> Koneksyon > Teknoloji enfòmasyon ak kominikasyon pou pèmèt jèn yo patisipe nan (...)

Koneksyon avèk Gotson Pierre epi Harold Isaac

Teknoloji enfòmasyon ak kominikasyon pou pèmèt jèn yo patisipe nan devlopman

Epi Netizen... Yon nouvo sitwayen

Publié le lundi 1er août 2011

Teknoloji enfòmasyon ak kominikasyon se zouti esansyèl pou pèmèt jèn yo patisipe nan devlopman peyi yo : se lide plizyè entèvenan defann nan reyinyon wo nivo sou lajenès, ki dewoule nan kad 75èm sesyon asanble jeneral Nasyonzini nan Nouyòk.

Ayiti patisipe nan reyinyon sa a, atravè Daniel Supplice, konseye espesyal prezidan repiblik la, Michel Martelly.

Yonn nan entèvenan ki te pi klè sou kesyon sa a, se minis jenès, espò ak kilti nan Rwanda, Mitali Protais, ki pale nan non Gwoup peyi afriken yo.

Misye fè konnen chèf Leta nan kontinan afriken an pran desizyon pou fasilite jèn yo sèvi ak TIC yo pou yo kab kontribye nan devlopman peyi yo.

Nan sans sa a, yo di yo pran dispozisyon pou tabli plan nasyonal ki pèmèt plis moun konekte sou Entènèt epi jwenn pi bon koneksyon.

Yo deside tou pou travay nan sektè enèji tou, paske jan nou konnen, kesyon TIC a mache men nan la men ak zafè enèji.

Byenantandi, nan menm sans la tou, fòk edikasyon an bouje. Minis jenès Rwandè a di gen gwo pa ki fèt an Afrik nan domèn sa a, san li pa bay chif.

Se sou kesyon edikasyon an tou Daniel Supplice ensiste. Li di nan peyi Ayiti, kote mwatye popilasyon an gen 21 an, se edikasyon an ki kab garanti jèn yo yon demen miyò.
Nan reyinyon sou lajenès k ap fèt nan 75èm sesyon asanble jeneral Nasyonzini an, Pierre Maudet, prezidan Komisyon federal suis sou kesyon ti moun ak lajenès epi majistra Jenèv, remake TIC yo se zouti kapital pou entegre jèn yo nan sosyete a.

Si w fèt avan yè, siman ou pat konn MS-DOS. Gen 30 an depi Microsoft te mete sistèm sa a an plas pou fè òdinatè yo fonksyone. Lè nou vin antre nan Windows XP, se lè sa a Microsoft sispann sèvi ak MS-DOS kòm pwogram debaz ki jere fonksyon man tout lòt pwogram sou òdinatè a. Nan premye tan DOS yo, gen anpil fòmil nou te dwe retni pa kè pou nou te kab sèvi sou òidinatè.
……

Anders Behring Breivik, se yon non nou retni sètènman. Se misye ki fè masak lòt jou a nan Oslo (Nòvèj). Yo di moun ki anjandre toujou renmen jwèt videyo, paske dapre konsta ki fèt, jwèt sa yo charye anpil vyolans. Ebyen pou Anders Behring Breivik se pat le ka. Nan jounal plis pase 1500 paj li a yo jwenn sou Entènèt, misye pale sou kèk jwèt videyo, men atansyon li pa parèt te fikse sou sa.

Koute Koneksyon isit la :