> Koneksyon > Libète aksè enfòmasyon ansanm ak entènèt kòm yon dwa

Technologie

Libète aksè enfòmasyon ansanm ak entènèt kòm yon dwa

Nan mitan anpil boulvès a travè lemond

Publié le vendredi 10 juin 2011

Entènèt se yon dwa fondamantal pou chak kretyen vivan sou planèt la dapre sa l’ONU deklare semèn sa a travè Rapòtè Espesyal sekretè jeneral Nasyonzini-an, Frank Larue.

Deklarasyon sa vinn bay yon sans a tout yon seri de èvènman ki brase lemond nan de dènye ane sa yo e ki te jwenn kòd lonbrik yo mare sou entènèt. Nap pale espesyalman de prentan arab lan ansanm ak revelasyon Wikileaks yo.

Frank Larue note tout posibilite entènèt la ofri sitwayen a travè lemond, antan ke espas lib espresyon. Se yon zouti estraòdinè, ki pèmèt mobilizasyon fèt an tan reyèl.

Men li pa manke note tou, tout inisyativ plizyè gouvènman tanmen pou met baboukèt nan kapasite espresyon popilasyon yo sou entènèt tankou an Chine, nan peyi arab yo e menm Ozetazini.

Misye manyen tou, yon lòt gwo pwoblèm nan kesyon aksè a entènèt lan : Zafè frakti nimerik lan ki fè ke peyi pòv yo pa genyen aksè menm jan ak peyi rich yo.

Nou ka panse a Ayiti, kote aksè entènèt lan toujou trè limite.

Pou plis detay, chèche Frank La Rue sou Google