> Koneksyon > Demach pou antre elektwonik pi fon nan òganizasyon eleksyon an (...)

Kronik Teknolojik Koneksyon ak Gotson Pierre epi Harold Isaac an patenarya ak Gwoup Medialternatif

Demach pou antre elektwonik pi fon nan òganizasyon eleksyon an Ayiti

Eske nap gen Marasa Dijital anvan 2020 ?

Publié le jeudi 25 septembre 2014

Transmisyon rezilta eleksyon elektwonik, enskripsyon kandida, obsèvatè, jounalis sou Entènèt : direksyon egzekitif Konsèy elektoral pwovizwa a anonse, l ap fè demach pou antre elektwonik la pi fon nan eleksyon ki gen pou fèt an Ayiti nan yon dat ki poko fikse.

Direktè egzekitif Kep a, Mosler Georges, ap esplike :

…………

GOTSON : Nan 5 pwochèn ane yo, sistèm entèlijans atifisyèl yo kapab sanble kou de gout dlo ak entèlijans imen, dapre enfòmasyon ki fèk tonbe, Harold.

HAROLD : Efektivman Gotson, Dapre futuris John Smart (Futuris yo se spesyalis ki ap eseye wè kijan bagay yo pral ye nan tan ki ap vini yo) anvan lane 2020 nap tèlman mete enfòmasyon nan sistèm entelijans atifisyèl ak rezo yo, ke yo pral devlope pou yo vinn preske tèt koupe avèk nou.

GOTSON : Konkrètman sa sa vle di ?

HAROLD : Pa egzanp, sistèm Apple ak Google (tankou Siri ak Now) deja kapab pran nòt, pran randevou, reponn kesyon senp, elatriye. Men sistèm sa yo pap sispann devlope e ap aprann chak jou bondye mete…

Spesyalis yo kwè ke rive nan kèk ane, robo sa yo (osnon entelijans atifisyèl sa yo) pral kapab pran kèk desizyon nan plas nou osnon menm imite imaj nou ak fason nou panse pou konseye osnon konsole moun nou konnen, si nou ta va fè wout pou peyi san chapo.

Istwa sa-a gendwa parèt fou, men li pa finn depaman ak Ray Kurzweil, direktè jeni kay Google, ki predi koze sengilarite-a. Plizyè analis pa finn sèten si se pral yon bon osnon yon move bagay. Men majorite ladan yo tonbe dakò pou di ke nap rive ladann wè pa wè.

Pou plis detay, chache Singularité sou Wikipedia

GOTSON : Mèsi Harold

HAROLD : Mèsi Gotson

……….

Pandan n ap fèmen kwonik sa a, n ap salye plizyè radyo pwovens ki wè nesesite pou pataje l ak oditè pa yo. Nou jwenn temwayaj byen lwen nan jeremi ki montre nou gen anpil enterè pou sijè teknolojik ak miltimedya yo. Kenbe la !

Koneksyon - 240914 - Demach pou antre elektwonik pi fon nan òganizasyon eleksyon an Ayiti by Radio Kiskeya on Mixcloud